Оштогу тамтыгы чыккан стадиондун оңдолгондон кийинки көрүнүшү

Ахматбек Сүйүнбаев атындагы стадионго 62 жыл болду. Бул убакыт аралыгында жарытарлык оңдоп-түзөө иштери жүргөн эмес. Бирок быйыл май айында капиталдык ремонт иштери башталган. Стадиондун инфраструктурасы толук жаңыртылып, 11,5 миң орундук алмаштырылды. Бийлик муну менен Азия футбол конфедерациясынын талаптарын аткарды. 31-августта Эгемендүүлүк күнүн белгилөөнүн алкагында мында спорттук иш-чаралар уюштурулат. Реконструкцияга республикалык жана жергиликтүү бюджеттик эсептен 20 миллиондон ашык сом кетти. Видеодон көрүп баа бериңиз. Бул аренада адатта Оштун “Алай” клубу оюндарды өткөрөт.