Калмазь ледстнема

Алтазь Ташто Селищань, комунистнэсэ маштозь, эрзятненень! Кемгото иеть монень сестэ топодсть, Кемемась ванькс, арсематне - видеть, Сась тундо! Явилейсэ ловось лоподсь. Велезэнек пачкодсь НКВД. Удалов кедень сюлмазь --Игнадвелес, Саранской ошсо рудазов тюрьма! Монь поездэсь ускимим одов телес, Васстымизь кискань онговкст. Колыма! Певтеме ловга чевгекс палы вересь Сибирень лейтне эйтнесэ сэднязь. Певтеме ловтнэ ашолгавтызь черень, Эрямось яжазь, уцяскась янгазь! Мельганок сакшность сеетьстэ этаптнэ... Вечкановт, Юркинт, Бахтинт ды Дьяковт! Сынь ёвтнесть кода тетянь тельня маштызь, Аванок панизь кудосто ушов! Косто саевсь эйсэнь вергизэнь виесь, Паряк авань озномазо лездась? Мон ашо ловга Явилеев чиинь, Ансяк, эзимим нолда Колымась! Торпингесь кивчкадсь, теке ёндол вачкодсь! Зярдо лейтнева нармуньтне уить, Минек барактнэс комисартнэ пачкодсть: -Эряви, келя, «кровью искупить»! Мон кавто иеть леднинь, чавнынь, маштынь Комбатось мерсь:-ну ты герой, эрзя! Ды чумо марязь по