Ջերմուկի ձմեռային հեքիաթը

Սա ո՛չ Լապլանդիան է, ո՛չ էլ շվեյցարական Ալպերը։ Առատ ձյան հետ Ջերմուկը հեքիաթային գեղեցիկ է դարձել։ Վերջին ամիսներին քաղաքը շատ է փոխվել։ Առատ լուսավորության շնորհիվ հաճելի է զբոսնել նաև գիշերային Ջերմուկում։ Visit Jermuk-ի տվյալներով՝ ամանորյա տոնական օրերին` դեկտեմբերի 28-ից հունվարի 12–ը, քաղաքը մոտ 3000 զբոսաշրջիկ է ընդունել։ Հիմա Ջերմուկի համար տուրիստական պասիվ շրջան է։ Չնայած դրան, քաղաքի ձնառատ հմայքը զբոսաշրջիկներին ձգում է Հայաստանի ու աշխարհի տարբեր կողմերից։ Ի դեպ, Հայաստանում ամենաբարձր ձյան ծածկը Ջերմուկի հատվածում է և հասնում է 95 սմ-ի։