2020 թվականին ղարաբաղյան հակամարտության կարգավորման հարցը կմտնի ինտենսիվացման փուլ․ Անժելա Էլիբեգովա

Ադրբեջանագետ Անժելա Էլիբեգովայի կարծիքով՝ 2020 թվականին ղարաբաղյան հակամարտության կարգավորման հարցը կմտնի ինտենսիվացման փուլ, բանակցություններն, ամենայն հավանականությամբ, վարվելու են փաստաթղթի շուրջ: Դրա հետ մեկտեղ, հանրությունն ավելի քիչ տեղեկություններ կստանա՝ հաշվի առնելով, որ համանախագահները ևս կողմերին դիտողություն արեցին բանակցային գործընթացի գաղտնիությունը պահպանելու անհրաժեշտության մասին: Հայաստանի և Ադրբեջանի ԱԳ նախարարների վերջին հանդիպումը և համատեղ հայտարարությունը ցույց տվեց, որ վերջապես մտել ենք բանակցությունների փուլ, իսկ հայկական կողմը գրանցեց օրակարգը և գրաֆիկը: