Віцебскаму аргану споўнілася 10 гадоў ()

«Музыка па-за часам». Споўнілася 10 гадоў з інаўгурацыі аргана, які ўстанавілі ў Віцебскай абласной філармоніі. Дзесяць філарманічных сезонаў віцебскі арган знаёміць слухачоў з шэдэўрамі сусветнай арганнай класікі розных стыляў, жанраў і напрамкаў у выкананні вядомых выканаўцаў. Арганныя канцэрты набылі папулярнасць і сталі неад’емнай часткай культурнага жыцця горада. Да юбілею віцебскага аргана філармонія ўпершыню падрыхтавала цыкл арганных канцэртаў для школьнікаў, каб бліжэй пазнаёміць іх з самым вялікім клавішным духавым музычным інструментам. Тэлерадыёкампанiя «Вiцебск» © 2017