Бөгелмәлеләр совет гаскәрләрен Әфганстаннан чыгару истәлегенә чәчәкләр салдылар

15 февраль – илебез тарихында үзенчәлекле дата. Бу көнне 32 ел элек Әфганстаннан совет гаскәрләренең соңгы колоннасы чыгарылган иде. Бу көнне чикләнгән контингент белән идарә итүче генерал-лейтенант Борис Всеволодович Громов, бронетранспортердан сикереп, күперне кисеп үтә, шул рәвешле ул Амударья елгасындагы чикне узуын символлаштыра. Анан соң Әфган җиреннән чик сакчылары һәм спецназ подразделениеләре чыга. Бу вакыйга Советлар Союзы өчен тугыз ел дәвам иткән һәм 15 меңнән артык совет гражданының гомерен өзгән Әфган сугышының тәмамлануын билгеләп үтте. 2011 елдан башлап бу көнгә тагын да масштаблырак статус бирелде – ул Россиянең Хәрби дан календарена Россиянең барлык гражданнары турында бердәм хәтер көне буларак рәсми рәвештә кертелде.