БАЛАЛАРҒА СЫЙЛЫҚТАР ТАРАТЫЛДЫ «Темірқазық» мейрамханасында Ақтөбе қалалық сал ауруына шалдыққан азаматтарды қолдау қоры қоғамды

БАЛАЛАРҒА СЫЙЛЫҚТАР ТАРАТЫЛДЫ «Темірқазық» мейрамханасында Ақтөбе қалалық сал ауруына шалдыққан азаматтарды қолдау қоры қоғамдық бірлестігінің ұйымдастыруымен жартылай күндізгі стационар бойынша есепте тұрған 14 мүмкіндігі шектеулі балаларға жаңа жылдық мерекелік шара өтті. Аудандық жұмыспен қамту және әлеуметтік бағдарламалар бөлімінің атсалысуымен өткен шараға аудан әкімінің орынбасары Бекболат Құлмағамбетов, Қандыағаш қаласы әкімінің міндетін атқарушы Ерік Бұхарбаев, Ақтөбе қалалық сал ауруына шалдыққан азаматтарды қолдау қоры қоғамдық бірлестігінің атқарушы директоры Гүлмирам Сражева, аудандық жұмыспен қамту және әлеуметтік бағдарламалар бөлімінің басшысы Камшат Құрманалина қатысты. Шара барысында балаларға жаңажылдық сыйлықтар тарту етілді. Сонымен қатар балалардың көңілін көтеру мақсатында ойындар ұйымдастырылды.