Алăксене уçнă, анчах хут çинче çеç

Шупашкар районĕнчи Ишлей салинче авăн уйăхĕнче физкультурăпа сывлăха çирĕплетекен комплекс уçăлнă пирки пур çĕрте те пĕлтерчĕç: сенкер экранпа та, радиопа та, хаçатсенче те. Хĕрлĕ хăю каснăран вара 3 уйăх çитрĕ. Анчах та кунта сывă пурнăç йĕркине тытса пыракансем пĕрре те хăйсен сывлăхне çирĕплетеймен. Мĕншĕн? Çак ыйтăва Раççей халăх фрончĕн Чăваш Енри уйрăмĕн пайташĕсемпе Алина Сусметова усăмлатрĕ. Авăн уйăхĕн 29-мĕшĕ. Юрă-кĕвĕ таврана саланать. Видеоконференци мелĕпе çĕршывра тӳрех 10 регионта 11 спорт объекчĕ уçăлчĕ. Ишлей салинче те спорт комплексĕ алăксене яр уçрĕ. Çак кунах Шупашкар районĕнчи шкул ачисем йышĕнче волейбол турнирĕ старт илчĕ. Пурт