Айгөл Хәбибуллина-Садыҡова “Бирешмәне Әсә“

Айгөл Хәбибуллина-Садыҡова Борай районы Салҡаҡ ауылынан. Һылыу тыуған мәктәбендә урта белем алғандан һуң БДУ-ла уҡыған. Әлеге көндә Нефтекама ҡалаһында йәшәй, мәктәптә уҡытыусы булып эшләй. Бирешмәне Әсә Пуля һыҙғыра һауала, Көн-төн һыҙлай, әрней яра. Күҙ алдымда тыуған яғым... Ҡайтыр инем, алыҫ ара. Һуғыш бөттө, әммә Әсә Ауыр яра алды алышта. Тән яраһы түгел,ә күңелен Балаһын алған һуғыш әрнетә. Кемгә, ни өсөн кәрәк Ошо әфәтле һуғыш?! Күпме йәш ғүмерҙе алды, Өҙөлдө һуңғы һулыш... Онотмаҫ ул Әсә тәүге тапҡыр Балаһының “Әсәй” тигәнен. Йәне янды белгәс ғәзизенең Күкрәгенә пуля кергәнен. “Юҡ! Йәшәмәм!” – тип иланы Әсә, “Бауыр итен киҫеп алдылар, Йәшәү өсөн бер ышаныс кәрәк, Ник улымды ергә һалдылар”. Бирешмәне Әсә, тапты көсөн: Күңелендә улы рухын йөрөтөп, Фатихаһын биреп йәштәргә, Оноҡтары өсөн йәшәргә.