Gyumri state ensemble of folk instruments - Gna, ari, im lousin (Armenian folk song)

Հայ ժողովրդական «Գնա, արի, իմ լուսին» և այլ պարերգերի շարան է՝ Գյումրիի ժողգործիքների պետական նվագախմբի կատարմամբ։ Մենակատար՝ Նվարդ Հարությունյան։ Գեղարվեստական ղեկավար և դիրիժոր՝ Ջեմմա Քաղցրիկյան։ Դիրիժոր՝ Կարեն Մայիլյան։ Երգերի մասին տեղեկությունները փոխանցում է երաժշտագետ, Երևանի Կոմիտասի անվան պետական կոնսերվատորիայի Գյումրիի մասնաճյուղի տնօրեն Հասմիկ Հարությունյանը։ Սա շիրակյան ամենատիպիկ պարերգերի շարք է, որն սկսվում է դանդաղ ու ծանր Գովընդով՝ հայկական հինավուրց պարեղանակով երգվող «Գնա, արի, իմ լուսին» պարերգով, որը կենցաղում շատ տարածված է եղել։ Այս տարբերակը գրառվել է Շիրակի մարզի Լեռնակերտ գյուղում, Մանյա Հովհաննիսյանից, որը բազմաթիվ ժողովրդական երգեր իմացող բացառիկ երգասացներից է։ Այս պարերգը թեև երգվել է ծիսական արարողությունների, հարսանիքների ժամանակ, բայց առավելապես կատարվել է կանանց խմբի կողմից կենցաղում՝ խոտհունձի կամ մեկ այլ աշխատանքի ժամանակ։ Երգել են փոխնեփոխ երգեցողությամբ՝ հանպատրաստից հորինված տներով։ Այնուհետև ժողովրդական կենցաղում հաջորդել են «Երեսըդ վարդ նմանի» և «Էս գիշեր երազ տեսա» պարերգերը, որոնք բնույթով արդեն տարբեր են՝ լինելով կենսուրախ ու զվարթ։ Սրանց եղանակները (հատկապես առաջինի) բազմաթիվ այլ խոսքերով, հայտնի են Շիրակի տարբեր գյուղերում։ Երգի խոսքերը՝ Գնա, արի, իմ լուսին, Մեռնիմ քու բոյ ու բուսին, Գնա, ման արի, արի, Ման արի, յարըդ գտի։ Ման գամ, մանեմ, ման անեմ (?) Ելնինք տունը, խաղ անեմ։ Երեսըդ վարդ