“Ба ҷойи ман бош“ ё Чаро Орзу Исо бо аробачаи маъюбӣ роҳ меравад?

Дар Тоҷикистон барномаи давлатии “Муҳити дастрас“ барои солҳои 2021-2025 тарҳрезӣ гардидааст. Ин барнома интизор меравад зиндагии нафарони дорои маъюбият, аз ҷумла онҳоеро ки тариқи аробачаи маъюбӣ ҳаракат мекунанд осон кунад. Аз сар гирифтани ин барнома дар ҳолест ки ҳанӯз соли 2012 қонунгузории Тоҷикистон нақшакашӣ ва сохтмон манзилҳои истиқоматӣ, нуқтаҳои хидматрасониву фароғат ва дигар объектҳои иҷтимоиро бе дарназардошти фароҳамсозии имконият барои маълулон, манъ кардааст. Барои нағзи ин қоидаҳо ширкати сохтмонӣ бояд ба ҷавобгарӣ кашида шавад. Вале дар асл аксари биноҳҳои нав, ҳатто дар ҳудуди пойтахт барои нафарони дорои маъюбият лифт ва ё гузаргову баромадгоҳи махсус надоранд. Беш аз ин аксари муассисаву идораҳои давлатӣ барои вуруд ва истифодаи нафари эҳтиёҷи махсусдошта созгор нестанд. Барои ошкор сохтани нуқси роҳу гузаргоҳҳо ва то кадом андоза созгор будани инфрасохтори шаҳр барои маълулон, таҳиягарони як лоиҳаи вижа нафарони ҷамъиятиро ба ҷойи маълулон қарор дода таассуроти онҳоро сабт кардаа