тылынан лото

⚜⚜⚜⚜⚜⚜⚜⚜⚜⚜ Биһиги сахабыт тыла олус баай, дириҥ историялаах, атын омук тылларыгар холоотоххо олус кэрэтик иһиллэр тыл. Тылбыт сүппэтин, симэлийбэтин туһугар, кэлэр кэнчээри ыччаппытын, сахалыы тыыннаан, үтүө сиэргэ – майгыга угуйан, төрөөбүт тылбытын ыһыктыбакка инникигэ эрэллээхтик илдьэ сылдьыахтаахпыт. Саха тылбытын уһуннук кэтээн көрбут дьоннор этиилэринэн, сахалыы дьоһуннук толкуйдуур, саҥарар – иҥэрэр ыалга иитиллибит оҕо үтүө майгылаах сиэрдээх киһи буолан улаатар. Мин саныахпар, төрөөбүт тылынан көҥүллүк саҥара үөрэммит оҕо атын омук тылын түргэнник ылынар, иннигэ эрэлэ быдан тардыһыылаах буолар. Оттон сахалыы тылы билбэт саха оҕолорун көрдөххө, күннээҕинэн толкуйдаах, уһуну – киэҥи ырыта барбат, быстах майгылаах буолар курдуктар. ⚜⚜⚜⚜⚜⚜⚜⚜⚜⚜⚜ Онон сибээстээн, о5о кыра эрдэҕиттэн төрөөбүт тылынан иитиллэр эйгэтин кэҥэтэр үлэ наада. Ол барыта дьиэ, ыал иһиттэн тахсар. Төрөппүт буоларым быһыытынан, оҕолорбун сахалыы саҥардан, бу буккуллар бириэмэҕэ сахалыы тыыны биэрэ сатыыбын. ⚜⚜⚜⚜⚜⚜⚜⚜⚜⚜ Кыра эрдэхтэриттэн саха тылыгар сыһыаран, араас оонньууларга кубулутабыт. Тылынан лотуо оонньуубутугар 🧚‍♀️оҕо этэр санаатын сааһылана, 🧚‍♀️тыл баайын эгэлгэтин туһана, 🧚‍♀️толкуйдуур дьоҕурун сайыннарыыга ситиһэр. ⠀ Ити курдук кыра түгэннэртэн саҕалаан иитиллибит ийэ тылбыт сүөгэйин-сүмэтин иҥэрэн, киһилии киһини иитэргэ олук уурарга кыһалла5ын. ⚜⚜⚜⚜⚜⚜⚜⚜⚜⚜ Төрөөбүт тыл үөрэх, иитиитин тыла буолар аналлаах. ⚜⚜⚜⚜⚜⚜⚜⚜⚜⚜ Төрөөбүт тыл - саха киһитин оло5ор, инники кэскилигэр  тэҥҥэ кыттар иэйиитэ, тобулаан таһаарар өркөн өйө, духовнаһа, төрүт өбүгэбит удьуорун, силиһин – мутугун быстыспат ситимэ. ⚜⚜⚜⚜⚜⚜⚜⚜⚜⚜⚜ Саргылаах сахабыт тыла сайда үүнэ туруохтун!