“Кабатлана ала язлар да...”

Нияз Акмалның тууына 70 ел уңаеннан Чаллы шәһәренең Муса Җәлил исемендәге шәһәр үзәк китапханәсендә искә алу кичәсе узды. Кичәдә катнашкан Рафис Корбан, Факил Сафин, Ләбиб Лерон, Вахит Имамов, Газинур Морат, Илсөяр Иксанова һ.б. танылган каләм әһелләре Нияз Акмал турында истәлекләре белән уртаклашты. Әдипнең туганнары – апасы Энҗе, энесе Нәсим Акмал, туганнан туган сеңлесе, «Көмеш кыңгырау» газеты баш мөхәррире Айсылу Сәлимова да кызыклы хатирәләрен яңартты, оештыручыларга рәхмәтләрен җиткерде. Кичәне китапханәче Роза Хәмидуллина алып барды.