ВОККХАЧУ СТЕГАН ГlАЙГlАНЕ КЪАМЕЛ

Къоналла ца лаьтташ, Буйнара ели. Замано ца хоьттуш, “Къена ву“ эли. Иза-м шен болх беш ю, ас бехк ца буьллу. Сайн цхьаллин некъанна цlе “Гlайгlа“ туьллу. Ас юххехь сецийнарш Хlинца бу генахь. Ас дагчохь латтийнарш Наггахь го гlенах. Iасанах сайн некъан накъост а вина, Дегlан чалх тlеязъеш, вехха со lийна... Бlаьрзечо ца доьшу халла бен жайна. Лергашна ма оьшу аз хазар тайна. Къанвелча, де эшча, тайх а тарделла, Сох къаьсташ дlахада дуьне сихделла. Замано сан дахар Бlаьргашца дешна, Амалца со ваха, Ца вуьтуш хьаьшна. Хlетте со собарах хьежна ца воха. Далла тlе болх буьллуш, lаьмма сатоха. Минцаев laльви