Արցախը Արևելք–Արևմուտք բախման ուղղություններից մեկն է. Արմեն Բադալյան

Քաղտեխնոլոգ Արմեն Բադալյանը «Աբովյան Time» հաղորդման եթերում անդրադարձել է ՀՀ վարչապետ Նիկոլ Փաշինյանի շուրջ 5 ժամ տևած մամուլի ասուլիսին և հիմնական մեսիջներին։ Խոսել է հայ-ադրբեջանական հարաբերություններում Արևմուտքի շտապողականության, Արևելք–Արևմուտք հակադրությունում Արցախի հարցի մասին։ Նրա խոսքով` Արցախի հարցը մենք պետք է դիտարկենք ոչ թե Ռուսաստան–Արևմուտք, այլ այս փոփոխվող աշխարհում Արևելք–Արևմուտք փոխհարաբերություններում «Արցախի հարցում իր սեփական դիրքորոշումն ունի ոչ միայն Ռուսաստանը, որը հակադրվում է Արևմուտքին։ Իր կտրուկ դիրքորոշումն ունի Իրանը, որը արևելյան բլոկի անդամ է, Թուրքիան, Հնդկաստանը, Չինաստանը... Մենք Լեռնային Ղարաբաղի հարցը պետք է այդ կոնտեքստում դիտարկենք»,–նշեց Բադալյանը։