«Туттурбайын чорза» & «Шончалайым»

1969 чылда Дамба-Доржу Сат эр ыраажылар аразынга ыры мөөрейинге киришкеш, тиилекчи болган. Ол үеде Тывага культура сайыды турган Матпа Самбууевич Хомушку ыраажы оолдуң сураан дыңнааш, суурундан сүрүп эккелгеш, «Саян» ансамблинге ажылдадып киирип каан. Ынчалдыр Дамба-Доржу Саттың уран чүүлче улуг оруу эгелээн. «Саян» ансамблиниң чаа-ла тургустунган үези болгаш, боду ышкаш аныяк оолдар, кыстар аразынга хор артизи болуп ажылдап эгелээн. Удаваанда ол солист апарган.