Sayı 100-dən artıq Gəncə bəy evləri - Baku TV

Sayı 100-dən artıq Gəncə bəy evləri - Baku TV Gəncə bəylərinin evlərinin yaşı 17-ci əsrin əvvələrinə təsadüf edir. 18-ci əsrin ortaları və 19-cu əsrin əvvəllərində xüsusi memarlıq üslubunda tikilən belə evlərin sayı daha da artıb. Buna səbəb 18-ci əsrdən başlayaraq Gəncədə yaşayan və əsasən ticarətlə məşğul olan insanların digər ölkələrlə ticarət əlaqələri qurması olub. Nəticə etibarı ilə getdikcə daha da varlanan şəhərin tacirlərindən günümüzə bu tikililər qalıb. Evlərin əksəriyyəti diqqət çəkən ornamentlərlə bəzədilib və qırmızı kərpicdən inşa olunub. Bu evlərin bir-birinə bənzəməsinin səbəbinə gəlincə, həmin dövrdə varlı bəylərin evlərini ancaq seçilmiş insanlar tikərdi və bu səbəbdən üslub bənzərliyi qaçılmaz idi. İlkin hesablamalara görə, Gəncədə belə evlərin sayı 100-dən artıqdır. Tarixçilər bu tikililərin qorunub saxlanılmasını vacib sayır. Təəssüf ki, Gəncədə bəy evlərinin heç də hamısı günümüzədək qorunub saxlanılmayıb, bəzi bəy evlərində bərpa işləri görülməyib. Görüntülərdən də aydın olur ki,