Պետական մի շարք ծառայություններ կթվայնացվեն

Փաշինյանի դիվանագիտական անձնագիրը գողանալու հարցով քրեական գործ է հարուցվել։ Այս մասին Կառավարության նիստից հետո լրագրողների հետ ճեպազրույցում տեղեկացրել է ՀՀ ոստիկնապետի տեղակալ Արա Ֆիդանյանը։ Անդրադառնալով տեղեկություններին, թե ադրբեջանցիներին հայկական անձնագրեր են բաժանվում՝ փոխոստիկնապետը հավաստիացրեց՝ նման դեպք չկա, որ Հայաստանից անձնագրեր են բաժանվել ադրբեջանցիներին: «Ուսումնասիրություններ ենք սկսել։ Մենք նույնիսկ դիմել ենք այն անձանց, ովքեր հանդես են եկել նման հայտարարություններով, դիմել էինք, որ տրամադրեն գեթ մեկ նմուշ, որը տեղի չի ունեցել, որպեսզի առավել հստակ ուսումնասիրութուն կամ քննություն կարողանանք իրականացնել», -մեկնաբանեց նա։ Հիշեցնենք, որ Արտաքին գործերի նախարարի մամուլի խոսնակ Աննա Նաղդալյանը հայտնել էր, որ Հայաստանի, Ադրբեջանի և Ռուսաստանի միջև եռակողմ հայտարարության ստորագրման օրը ՀՀ կառավարություն ներխուժած անձինք հափշտակել են նաև ՀՀ վարչապետ Նիկոլ Փաշինյանի դիվանագիտական անձնագիրը: Հավելենք, որ «Օրբելի» կենտրոնի նախկին փորձագետ Անդրանիկ Հովհաննիսյանը տեղեկություններ էր հրապարակել այն մասին, թե ադրբեջանցիներն իրեն են տվել ՀՀ վարչապետ Նիկոլ Փաշինյանի դիվանագիտական անձնագիրը: Հետևե՛ք մեզ հետևյալ հարթակներում՝ Մեր կայքը - Facebook (ռուսերեն) - Facebook (հայերեն) - Telegram ալիք - Instagram - @armtoday_