Այսօր անկեղծ խոսքի կարիք կա, ոչ թե մանիպուլյացիաների. Աննա Մաիլյան

այ մեծանուն երաժիշտ Կոմիտաս Վարդապետի ծննդյան 154-րդ ամյակի առթիվ (սեպտեմբերի 26–ին է) Երևանի Կոմիտասի անվան պետական կոնսերվատորիայի պրոֆեսոր, ՀՀ վաստակավոր արտիստ, երգչուհի Աննա Մայիլյանը Sputnik Արմենիայի հետ զրույցում զուգահեռներ է անցկացնում Կոմիտասի վերապրած Մեծ եղեռնի և մեր օրերի միջև։ Երգչուհին ասում է, որ պետք է անցյալից դասեր քաղած լինեինք, որպեսզի մեզանում գործեին ինքնապաշտպանական ինստիտուտները, մենք արագ կողմնորոշվեինք, իսկ թշնամին մի լավ մտածեր հարձակվելուց առաջ։ Փոխարենը, երբ նա այսօր բարձրաձայնում է հայրենիքը կորցնելու վտանգի մասին, նրան հորդորում են «ագիտացիայով» չզբաղվել։ «Թեև մենք Աստծո ընտրյալ ազգն ենք, Աստված չի կարող տգետին անվերջ փոսից հանել», - ասում է արվեստագետն ու հավելում, որ այսօր անկեղծ խոսքի կարիք կա, այլ ոչ թե մանիպուլյացիաների, ինչպես նաև կարիք կա ոչ թե մեկ լիդերի, այլ ուղեղային կենտրոնի և հավաքական ուժի։