Республикӑра кӗрхи культурӑсен чӗрӗк пайӗ япӑх хӗл каҫнӑ

Кӗрхи культурӑсем пиҫӗхсе сиенленес хӑрушлӑх пуррине кура Чӑваш Енре регион ертӳҫин Указӗпе ака уйӑхӗн 2-мӗшӗнчен чрезвычайлӑ лару-тӑру йӗркине йышӑннӑ. Раҫҫей ял хуҫалӑх центрӗн регионти филиалӗнче палӑртнӑ тӑрӑх, 24 пин те 900 гектар ҫинчи калча япӑх хӗл каҫнӑ, ку вӑл мӗн пур лаптӑкӑн 27 проценчӗ. Специалистсем тыр-пул лаптӑкӗсене халӗ тӗрӗслесех тӑраҫҫӗ.