«Կեցցե´ այն Հայաստանը, որ վաղն է գալու»․ Մովսես Գորգիսյան

Այսօր ազգային-ազատագրական պայքարի առաջամարտիկ Մովսես Գորգիսյանի ծննդյան օրն է։ Նա ծնվել է 1961 թվականին Երևանում։ Ավարտել է ՀՊՄԻ մշակույթի ֆակուլտետը (1984): 1986-87-ին աշխատել է Գորիսի դրամատիկական թատրոնում: 1987-ին՝ Ազգային ինքնորոշում միավորում կուսակցության անդամ էր, «Հրապարակայնություն» ու «Հայրենիք» ամսագրերի հիմնադիր-խմբագիրը: 1989թ. «Անկախության բանակի» հիմնադիրներից է։ 1989թ.-ից հանդես է եկել Հայոց անկախ պետականության վերականգնմանն ուղղված ելույթներով ու հրապարակումներով։ Արցախյան շարժման օրերին նրա գաղափարական ելույթները հանրահավաքներում Հայաստանի և Արցախի վերամիավորմանն ուղղված արդարացի պահանջ էին։ 1990թ. հունվարի 18-ին, վիճակը կտրուկ սրվել էր Արարատի շրջանի՝ Նախիջևանին սահմանամերձ գոտում. ադրբեջանական զինյալներն իշխող բարձունքից անընդմեջ գնդակոծում էին մերձակա հայկական բնակավայրերը։ Հունվարի 19-ին հայ մարտիկները ոչնչացրել են թշնամու հետախուզական ջոկատներից մեկը։ Մովսեսը ջոկատով գրոհել է բարձունքի վրա տեղակայված թշնամու կրակակետերը, որոնք լռեցվել են, սակայն մարտում ընկել է նաև ինքը։ Մովսես Գորգիսյանը հանգչում է Ծիծեռնակաբերդում։ ՀՀ ազգային հերոսի կոչում նրան շնորհվել է հետմահու (): #Iammedia #ByIammedia #OnlineTV #Reportage _____________________________________ Այցելեք մեր վեբ կայքը՝ Iammedia-ն սոցիալական կայքերում՝ Facebook: Instagram: LinkedIn: © Նյութի հեղինակային իրավունքները պատկանում են «ԱՅ էՄ ՄԵԴԻԱ» ընկերությանը. խմբագրական քաղաքականության համաձայն` արգելվում է այն օգտագործել առանց հղման, ներբե