Moskva bəyannaməsi nə vəd edir? - BAKU TV

Moskva bəyannaməsi nə vəd edir? - BAKU TV Dünən ölkəmizin siyasi həyatında daha bir tarixi hadisə yaşandı: Moskvada Azərbaycan və Rusiya arasında qarşılıqlı müttəfiqlik fəaliyyəti haqqında Bəyannamə imzalandı. Sənəd geosiyasi və geoiqtisadi dəyişikliklərlə müşayiət olunan dünya nizamında Azərbaycan-Rusiya münasibətlərinin yeni mərhələsinin göstəricisidir. Sənəddə müstəqillik amilinin xüsusi vurğulanması isə bəyannamənin mühüm əhəmiyyətindən xəbər verir. Azərbaycan öz milli maraqlarına uyğun çoxsahəli və müstəqil xarici siyasət yürüdür, beynəlxalq əməkdaşlığa mühüm əhəmiyyət verir. Digər tərəfdən, Vətən müharibəsində əldə edilən qələbədən sonra Cənubi Qafqazda yeni regional nizam, konfiqurasiya formalaşır. Bu yeni düzənin əsas oyunçuları isə Azərbaycan, Türkiyə və Rusiyadır. Bu mənada, hər iki ölkə ilə müttəfiqlik bəyannamələrinin imzalanması mühüm əhəmiyyət kəsb edir. Beləliklə, Şuşa Bəyannaməsi kimi, Moskva Bəyannaməsi də Azərbaycanın ərazi bütövlüyünə, müstəqilliyinə və təhlükəsizliyinə zəmanət verir. Bu