“Мыггаг — нæ иудзинады фæндаг“. Ахæм сæргондимæ ирон мыггæгты форум ацыд Уыналы Цæллагты мæсыджы. Мадзаларазæг - Иры Стыр Ныхас

“Мыггаг — нæ иудзинады фæндаг“. Ахæм сæргондимæ ирон мыггæгты форум ацыд Уыналы Цæллагты мæсыджы. Мадзаларазæг - Иры Стыр Ныхас. Æмбырды архайджытæ æрдзырдтой мыггæгты иудзинадыл, ирон æвзаджы уавæрыл, æгъдæуттæ æмæ фæсивæды хъомылады фарстатыл. Уататы Зелим йæ раныхасы уæлдай æргом аздæхта нæ æфсæддонтæ Сæрмагонд æфсæддон операцийы рæстæг цы хъайтардзинад æвдисынц, уымæ. Хицæн ныхас цыд наркотикты парахат цы зиан хæссы, ууыл. Уататы Зелим куыд фæнысан кодта, афтæмæй фарста аиуварс кæнын хъæуы æмдыхæй. Мыггæгты советты æмæ йæхи номæй регионы куыстдæттыны комитеты сæрдар Æгкацаты Юрий расид хъæппæрисимæ. Йæ хъуыдымæ гæсгæ, мыггаджы куывд хъæуы кæнын мыггаг цы комæй рацыд, уым. Йæ раныхасимæ расидт арæзтадон компанийы минæвар Байсогъуырты Мухтар дæр. Къорд рæстæг уый архайы Цæгат Ирыстоны мæсгуыты рацарæзтыл. ⏺ Куыд фæбæрæг кодта, афтæмæй абон уыцы куыстыл сахуыр кæнын фæнды бирæ фæсивæды. Уымæ гæсгæ, фæсидт ахуыргæнæндæтты дуримæ кусыны фæдыл ахуыртæ байгом кæныны хъæппæрисимæ.... Source: IrystonTV