Мәҙинә Илһамова “Борсолмасы, әсәй!“

Мәҙинә Илһамова Әбйәлил районы Байым ауылы ҡыҙы. Тормошта һәр яҡлап әүҙем һылыу әлеге көндә Мәскәү ҡалаһында үҙе асҡан “Илһам” башҡорт халыҡ театрын етәкләй. Баш ҡалабыҙҙа үткән бик күп сараларҙа халҡыбыҙ исемен лайыҡлы яҡлай. Борсолмасы, әсәй! Һуңлап ҡына атҡан аҡ сәскәне Көҙгө елдәр иркәләй йыбанып. Әсе елдәр, ҡәһәр, бик аяуһыҙ, Ирек бирмәй йәшәргә ҡыуанып. Был тормоштоң ауыр һынауҙары Бөтөрҙөләр һаулығыңды үртәп, Әсәй, әгәр үҙем Тәңре булһам, Йәшәтер ҙә инем ҡурсалап. Донья йөгө нескә иңдәрендә, Тәҡдирен шул, йәшәйһен тартып, Борсолмасы аяҙыр көндәрең дә Барса арыуҙарҙы таратып.