Жеңістен кейінгі айыппұл. Ресейдің мәдениет министрлігі «Айка» фильмінің режиссерін не үшін жазалады?

Ресей билігі «Айка» фильмін түсірген режиссер Сергей Дворцевойдан айыппұл төлеуді талап етіп жатыр. «Айка» фильмі 2019 жылғы «Оскар» фестивалінің үміткерлер тізіміне енген. Ал басты рөлді сомдаған Самал Еслямова 2018 жылы Канн фестивалінде үздік актриса атанған. Шымкент қаласының тумасы Сергей Дворцевой Ресейдің мәдениет министрлігіне 120 мың доллар «қарыз». Себебі режиссер фильмді келісілген мерзім ішінде аяқтамады. Режиссер айыппұлды негізсіз деп есептейді.