Наилә Хәмбәлиева “ӘСӘЙЕМДЕҢ ҺУҢҒЫ КӨНДӘРЕНӘН...“

Наилә Хәмбәлиева 1966 йылда Учалы районы Наурыҙ ауылында ябай крәҫтиән ғаиләһендә кинйә бала булып донъяға килә. Кушнаренко ауыл хужалығы техникумын тамамлағас, Яңы Байрамғол ауылында бухгалтер булып хеҙмәт юлын башлай. Шул ауылдың егете менән сәстәрен бәйләп, өс балаға ғүмер бирәләр. Ситтән тороп Өфө аграр университетында экономист һөнәрен үҙләштерә. Учалы яҙыусылар ойошмаһының әүҙем ағзаһы. Шиғырҙары район гәзитендә донъя күреп тора. Әлеге көндә беренсе шиғырҙар йыйынтығы баҫмаға әҙерләнә. ӘСӘЙЕМДЕҢ ҺУҢҒЫ КӨНДӘРЕНӘН... Күкрәгемде өтә әсәм йәше... Томан аша ҡарай күҙҙәре. Сараһыҙлыҡ тулы ҡарашынан Йәнем яна, һына теҙҙәрем. Иламайым! Түҙәм! Шулай кәрәк! Сабый һымаҡ минең ҡосаҡта. ...Һанап ҡуйған көндәребеҙ яна Әсәм тоҡандырған усаҡта. Аяҙ көндәрендә әйталмаған Һүҙҙәремде доға шикелле, Ҡулдарынан һыйпап, ҡабатлайым. ...Ишетеүе инде икеле... Үкенескә ҡалды әйтелмәгән Наҙлы һүҙем, йылы ҡарашым. ...Пар ҡанатһыҙ ҡалдым. Үкһеҙ етем Ҡапҡан ризыҡ булыр бар ашым. Әсә йөрәгендә барса Ғаләм, Әсә күңелдәре