Хъæдгæройнаг Хъуыбады. 102-летний Агубе Хаутов был одним из почетных старших селения Кадгарон.

Бирæ чи фæцард æмæ бирæ чи федта, бирæ дæр уый зоны. Хæуытаты Агуыбе бирæ фæцард, 102 азы! Бирæ федта æмæ бирæ хабæрттæ зыдта йæ райгуырæн Хъæдгæроны, æмæ йе ’мхъæуккæгты тыххæй. Агуыбе уыдис тынг курдиатджын хистæр æмæ нæ республикæйы культурæйы царды активон архайæг. Хъæдгæроны зæрæдты ансамбль уыдис Ирыстоны хъæууон ансамбльты фыццагдæр адæмæн уарзон чи сси, уыдонæй иу. Цыбыр рæстæгмæ йæ кой дардыл айхъуыст, концерттæ лæвæрдта канд Ирыстоны хъæуты æмæ горæтты нæ, фæлæ ма Советон Цæдисы бирæ горæтты.