«JYR-AMANAT» Республикалық жыршы,термешілердің қатысуымен өтетін концерт-спектакль.

Концерт бойына атасы немересінің сұрақтарына жауап беру арқылы әр мектептің жырауларына өтіп отырамыз. Абыз қария әр өңірдің дәстүрлі музыкасындағы ерекшеліктері мен кейбір жыраулардың киесіне, немесе орындалар жыр-терменің туу тарихына байланысты қызықты аңыздарды тілге тиек етеді. Бірде ата мен немере арасындағы диалог болса, бірде ұстаз бен шәкірт арасында әңгіме өрбиді. Енді бірде қария өзінің ішкі монологын сыртқа шығарады. Қарияның үйіне қонаққа келген жырау арқылы да кезекті бір өңірдің жыр-термелер топтамасына жалғасып отырады. Концерт барысында арнайы салынған графикалық анимациялар экранға беріледі және актерлердің пластикалық ойыны арқылы көркемделеді. 7 желтоқсан 15:00 Нұр-сұлтан қаласы «Астана»концерт залы Ұзақтығы: 1 сағат 50 минут