Венера Шәймөхәмәтова йырлай

Төбәк-ара башҡорт халыҡ йырҙарын башҡарыусыларҙың ”Ирәндек моңдары”, 2007 йылда Туймазы ҡалаһында уҙған ”Оҙон көй” конкурстары лауреаты Венера Шәймөхәмәтова башҡарыуында йырҙарҙы тыңлап, уны “Юлдаш йыры” кеүек халыҡсан конкурста күрһәң ине ул, тип ҡуйҙым. “Зөләйха”, ”Йөрәгем бит һаман йәш әле”, “Һандуғас” йырҙары, һәр ваҡыттағыса, Өфөләге академик йырҙарҙан арындырып, халҡыбыҙ моңона сорнаны. Бына, исмаһам, кеше йырлай: интектермәй ул йырҙы, моң эсенән ағыла ла ағыла.