Гөлдәриә Йосопова “Күршеләрҙең балалары ҡайтҡан“

Гөлдәриә Йосопова Федоровка районы Бала Сытырман ауылы ҡыҙы. Мәскәү дәүләт университетының журналистика факультетын тамамлағас, тәүҙә Башҡортостан радиоһында эшләй, һуңынан телевидениеға күсә. Тынғыһыҙ журналист күңеле талпынған илаһи мәлдәрҙә шиғырҙар яҙа. Дөрөҫөрәге, бала сағынан уҡ шиғырҙар ҡәләм тибрәтә. Тәүге шиғырҙары «Башҡортостан пионеры», студент йылдарында «Ленинсы» һәм “Совет Башҡортостаны» газеталарында донъя күрә. Тулыһынса журналист эшенә сумғас, «үҙе өсөн генә» тип ижад итә. Һуңғы йылдарҙа шиғырҙары менән социаль селтәрҙә ихлас уртаҡлаша. “Бер ялда ауылға ҡайтҡайныҡ, әсәйем бөгөн бөтә күршеләрҙең дә балалары ҡайтты, тип әйтеп һалды. Бына иллегә етеп саҡ аңланым, әнейемдең шулай күршеләренә ҡыҙығып беҙҙе көткәнен. Ул шәмбе бер юбилейға ла саҡырғайнылар, ә беҙ унда бармай ауылға ҡайтып киттек. Уф, әл дә генә ҡайтҡанмын, тип шатландым, шунан ошо шиғыр юлдары тыуҙы ла инде”, – тип яҙа автор. Күршеләрҙең балалары ҡайтҡан Күршеләрҙең балалары ҡайтҡан – Бушамайһың инде был ялда. Ейәнемә йыйған е