Жатақхана безендіру

Ақтөбе облыстық мамандандырылған “Білім-Инновация“ лицей-интернаты сыныптардың ата-аналары арасында лицей жатақханасының әсемдігін арттыру мақсатында сайыс жариялап еді. Сайыс шарттары бойынша: 1. Әр сынып арнайы белгіленген тұлға бойынша бекітілген талаптарға сай өз жатақханасын безендіру; 2. Безендіру барысында қазақы ұлттық нақыштағы бояулар қолдану; 3. Кірген жанға жайлылық пен жылылық сыйлауы керек еді. Қазылар құрамына әр сыныптың ата-аналар комитетінен бір адамнан енді. Алайда сыныптың ата-анасы өз сыныбына дауыс бере алмайтын еді. Осы айдың 17-сі ата-аналар комитеті жиналысы аясында қорытындысы шықты. Нәтижелері “Наурыз“ мейрамы кезінде жарияланып, жүлделер таратылады.