Аҡмулланың аҡ төндәре

2019 йылдың 14 декабрендә Республика Башлығы Р.Ф. Хәбировтың указына ярашлы Башҡорт теле көнө исеме аҫтында тарихҡа ингән мәғәнәле ваҡиға йәшәүен дауам итә. Туған теленә тоғро башҡорт халҡы барҙа ул йәшәйәсәк. Ә беҙҙең, халыҡ шағиры Рәми Ғарипов әйтмешләй, эшләргә лә, йәшәргә лә хаҡыбыҙ бар, сөнки ерҙә һөйгән йәрҙәй халҡыбыҙ бар! Башҡорт теле көнө тәрән мәғәнәле Ҙур байрамға әйләнһен! Арыҫлан Мөбәрәков исемендәге Сибай дәүләт башҡорт драма театры һеҙҙең иғтибарға Наил Ғәйетбаевтың драмаһы буйынса режиссер Сәлихйән Әфләтүнов сәхнәләштергән “Аҡмулланың аҡ төндәре” спектаклен тәҡдим итә. 14 декабрь – башҡорт мәғрифәтсеһе Мифтахетдин Аҡмулланың да тыуған көнө!