ԵԿԵՔ ՀԱՅԱՍՏԱՆ -Հեղինակ՝ Սեյրան Մալխասյան

ԵԿԵՔ ՀԱՅԱՍՏԱՆ Հեղինակ՝ Սեյրան Մալխասյան Հայաստա՛ն եկեք, շրջե՛ք մեր հողում, Հա՛ց կիսեք մեզ հետ` մեր հա՛ցն անապակ, Տեսե՛ք, ինչպե՞ս են ամպերը լողում, Ձեր ոտքերի՛ տակ: Խմե՛ք սառնորակ մեր աղբյուրներից, Ըմբոշխնե՛ք բույրը մեր ծա՛ռ ու ծաղկի՛, Լսե՛ք, թե ի՞նչ են պատմում վերևից, Թարթող աստղերը ձե՛ր երազանքի... Լսեք մեղեդին, լեռներից ծորող` Մեր անտառների՛ թավշաձայն հիմնը, Այստեղ, ամենը՝ նո՛ր է, անսովո՛ր, Աստվածավայե՛լ և անչափ հի՛ն է... Այստեղ է Լույսը ստանու՛մ արժեք, Երբ մամուռի՛ն է գույնն իր հաղորդում, Ոսկու՛ գին ունեն լեռներն աստղամերձ Եվ օձագալար գետե՛րն անդունդում... Լեռների գրկում վանքե՛ր կան բազում, Ծաղիկնե՛ր, ծառե՛ր, քարե՛ր նախշազարդ, Ձեզ եդեմական ջու՛րն է սպասում Եվ հազար ու մի հրա՛շք բազմազան… Հայաստան եկեք ու տեսեք Հայի՛ն` Քարից հաց քամո՛ղ՝ աղի քրտինքո՛վ, Նրա ընկերն են անձրև՛ն ու քամի՛ն, Բայց ձեզ կընդունի՛ Բարի՜ Ժպիտով: Ս.Մալխասյան