4 вӱдшорын - Тунямбалсе Интернет кече!

Шуко эллаште вӱдшор тылзын 4 кечыштыже Тӱнямбалсе Интернет кече палемдалтеш. Пайрем католик шнуй Исидор Севильскийын колмо кечынже пайремлалтеш. Тудо пагалыме айдеме лийын, шанчым йӧратен. Шнуй Исидор тунемше-влакын да студент-влакын аралтышлан шотлалтеш. 2003 ийыште римысе папа Иоанн Павел II шнуй Исидорым эше компьютер ден интернет кугыеҥлан ойырен. Католик черкыштат тудым интернет кугыеҥлан шогалтеныт, вет интернет айдемын шинчымашыште пеш кугу практический да теоретический надыр лийын шога. Тыгак таче шке профессионал пайремыштым веб-мастар-влак да интернет пашаеҥ-влак пайремлат. Тиде пайрем шке шотшо дене официальный огыл гынат, ий гыч ийыш у кӱкшытым налын шога. Интернетым садак огыл тӱнямбал эҥыремышвот манын лӱмдымӧ. Тудо чыла илышын сферышке пурен, пашаште да мӧҥгыштӧ гына веле огыл, кафеште кечывалкочкыш жапыште да эсогыл канышыштат кучылталтеш. Ынде виртуальный кыл деч посна айдеме шке илышыжым огешат уж. Интернетын йӧнжӧ чот кумда, чылажым тӱрыс радамлен мошташыжат ок лий. Тевыс мемнан «Моско