🇦🇲 Գարիկ Կարապետյանն աշխարհի ռեկորդ սահմանեց և նվաճեց փոքր արծաթե մեդալ #armenia #հայաստան #sports

📞 Գովազդի համար զանգել 055-26-70-89 հեռախոսահամարին ✅ 🇸🇦 Սաուդյան Արաբիայի մայրաքաղաք Էր Ռիյադում անցկացվող ծանրամարտի աշխարհի առաջնությունում սեպտեմբերի 14-ին մրցահարթակ դուրս եկան 102 կգ քաշայիններ, աշխարհի բրոնզե մեդալակիր, Եվրոպայի կրկնակի չեմպիոն Սամվել Գասպարյանը և Եվրոպայի գործող չեմպիոն Գարիկ Կարապետյանը: Սամվել Գասպարյանը երկարատում գրավեց 4-րդ տեղը` 5 կգ հետ մնալով բրոնզե մեդալ նվաճած B խմբի հաղթողին (178 216): Գարիկ Կարապետյանը երկամարտի 393 կգ արդյունքով 5-րդն է (183 210): Հայ ծանրորդներից առաջինը մրցահարթակ դուրս եկավ Գարիկ Կարապետյանը և առաջին փորձից հաջողությամբ պոկեց 175 կգ-ոց ծանրաձողը: Երկրորդ փորձով երիտասարդ ծանրորդը ձախողեց 183 կգ-ը: Երրորդ փորձից հաջողությամբ պոկեց ծանրաձողը այս վարժությունում պայքարն ավարտեց երկրորդ տեղով եւ արժանացավ փոքր արծաթե մեդալի: Աշխարհի բրոնզե մեդալակիր, Եվրոպայի կրկնակի չեմպիոն Սամվել Գասպարյանը պայքարը սկսեց 178 կգո-վ և հաջողությամբ պոկեց ծանրաձողը: Երկրորդ մոտեցման համար գյումրեցի ծանրորդը պատվիրեց 183 կգ, բայց ձախողեց: Երրորդ մոտեցման համար Փաշիկ Ալավերդյանը ծանրաձողի քաշը դարձրեց 184, որպեսզի Գասպարյանը շրջանցի Գարիկ Կարապետյանին եւ առաջինը 183 կգ բարձրացրած չեզոք երկրի դրոշի ներքո հանդես եկող Յոհենի Ցիխանցուին, բայց Սամվել Գասպարյանը ձախողեց նաեւ այս մոտեցումը եւ պայքարն ավարտեց 6-րդ տեղում: Թեժ պայքար ստացվեց հրում վարժությունում: Գարիկ Կարապետյանը մեկնարկեց 210 կգ եւ հաջողությամբ հրեց: Երկրորդ եւ երրորդ փորձով ձախողեց 217 կգ-ը: