Көвүрүүвүске...

“Көвүрүүвүске“ 1. Тыва чуртумнуң эң-не бедии Тывызык, чараш Мөңгүн-Тайгам Кызымак, ишчи чонумайның Кызы болгаштың чоргаар-дыр сен. Аажы-чаңың кижисиг сен. Кож: Катчып чадашкан ийи эрикти Каттыштырыпкан көвүрүүвүске Каржып эрткен ол карактар ам Кажанда-даа уттундурбас болуп чорду! 2. Меңги чечээ дег ховар чараш Меңгилерлиг тайгам кызы Оолак мээңии чүрээм домнаан, Онза бүдүштүг, эвилең сен. Аажы-чаңың кижисиг сен. Кож: Катчып чадашкан ийи эрикти Каттыштырыпкан көвүрүүвүске, Сонуургалымны илередир дээш Сооттажыптар сөс тыпас-тыр мен, пөрүк-дүр мен. 3. Чажыт сеткилим дүрүп шыгжааш Чаныңарга эш болуп артым. Каргы, Мугурнуң салымнары дег Кады агыксаан күзелдерим сеткилимге агып артты. Кож: Катчып чадашкан ийи эрикти Каттыштырыпкан көвүрүүвүске Илередир дээн ынакшылымны Ийи эриктиң ортузунга домнап кагдым! Төнчү кож: Катчып чадашкан ийи чүректи Каттыштырыпкан көвүрүүвүске Чалыы ынакшаан аныяктар Чажыттарын ажытсыннар, Ынакшылды алгап чорзун!!!