Гөлсинә Йосопова “Әсәй булыу“

Гөлсинә Йосопова Хәйбулла районы Аҡъюл ауылында тыуған. Өс йәше тулғас ғаиләләре менән әсәһенең тыуған ауылына – күрше Аҡнаҙарға күсенгәндәр, башланғыс кластарҙа шунда уҡыған. Урта белемде Сибай интернат-гимназияһында алғас Башҡорт дәүләт университетының башҡорт филологияһы һәм журналистика факультетына йүнәлгән. Әлеге ваҡытта “Шоңҡар” журналында мөхәррир булып эшләй, ике бала әсәһе. Балалар өсөн әкиәттәр яҙырға ярата. Әсәй булыу Балаларым – күҙем ҡаралары, Һеҙ тип кенә өҙөлә үҙәгем. Йөрәккәйем бары һеҙ тип тибә, Һаулыҡ менән бәхет – теләгем. Илаһағыҙ, минең йөрәк илай, Бошонһағыҙ – төшә кәйефем. Әсәй булып ҡарамаған ғына Белә алмайҙыр Әсә халәтен. Бәхет бит ул – Әсәй булып йәшәү! – Был ҡатмарлы фани донъяла... Балаҡайҙар бары беҙгә ҡарап Тормош һуҡмағына юл ала.