Жеңіс күні

Армысыздар Құрметті Қазақстандықтар! Сіздерді бүгінгі сан мыңдаған ұрпақ үшін ортақ мереке – Ұлы Жеңіс күнімен шын жүректен құттықтаймын! Жеңіс күні – абыройымыз бен даңқымыздың мерекесі. Біздің аталарымыз бен әкелеріміздің батырлықтары мен жанқиярлықтары, олардың өз Отанына деген шексіз сүйіспеншіліктері Қазақстанның бүгінгі жауынгерлері үшін мақтан тұтарлық үлгі ғана емес, бұл – бірнеше ұрпақты байланыстыратын қоғамның рухани дамуы мен ұлттық қайта өрлеуінің жоғары адамгершілік негізі деп білемін! Еліміздің дархан даласы кең, аспаны ашық болсын! Жұдырықтай жұмылған, білектей біріккен кеңпейіл Қазақ елі жасасын! Жеңіс - біздің ата-бабаларымыздың батырлығы. Жетістік, салтанат, мейрам. Жауынгер ерлігі мен жеңісті еңбегімен соққан еңбекшінің ерен ерліктерін ешқашан ұмытпайық! Жеңіс күні құтты болсын.