Կառավարության որոշմամբ կվերանորոգվեն մարզական և ուսումնական մի շարք հաստատություններ

Կառավարության այսօրվա նիստին որոշում կայացվեց ՀՀ կրթության, գիտության, մշակույթի և սպորտի նախարարության 2020 թվականի հաստատված բյուջեով «Կրթություն» բաժնի կրթությանը տրամադրվող օժանդակ ծառայությունների շրջանակներում իրականացվող «Մասսայական սպորտ» ծրագրի «Աջակցություն համայնքներին մարզական հաստատությունների շենքային պայմանների բարելավման համար» միջոցառման հատկացումներից 743 միլիոն 769 հազար դրամ վերաբաշխման միջոցով հատկացնել ՀՀ քաղաքաշինության կոմիտեին՝ ուսումնական և մարզական հաստատությունների շենքային պայմանների բարելավման գործընթացի կազմակերպման համար: