Вăрлăх - тухăç никĕсĕ

Çуркунне çитнĕ май хуçалăхсенче çине тăрсах хĕрӳ тапхăра хатĕрленеççĕ. Техника юсаççĕ, вăрлăх, удобрени, çунтармалла-сĕрмелли материалсем туянаççĕ. Раççей ял хуçалăх центрĕн регионти уйрăмĕнчен пĕлтернĕ тăрăх, кăçал республикăра çурхисене акса хăварма 48 пин те 111 тонна тĕш тырă тата пăрçа йышши культурăсем кирлĕ. Вăрлăх хуçалăхсенче çителĕклĕ-и? Ун пахалăхĕ тивĕçтерет-и? Чир-чĕртен епле сыхламалла ăна? Çак ыйтусене ял хуçалăх центрĕн ĕçченĕсем уçăмлатаççĕ.