Дзень Волі. 75-я ўгодкі БНР у Мінску

Дваццаць гадоў таму 25 сакавіка 1993 года ўпершыню шырока, з удзелам як вышэйшых ўладаў краіны так і выбітных землякоў з замежжа, святкавалі дату нараджэння Беларускай Народнай Рэспублікі. Тадыверылася ў адраджэнне ідэалаў БНР, хуткія дэмакратычныя перамены, ў набыццё доўгачаканага «шчасця і дабрабыту»... У 1993 годзе людзі маглі вольным, афіцыйна дазволеным маршам, пад барабаны і з нацыянальнымі сімваламі прайсці па цэнтры сталіцы, дэманструючы сваё адзінства, арганізаванасць ды гатоўнасць актыўна ўдзельнічаць ў пабудове новай Беларусі. Але не так хутка і лёгка здабываецца свабода, сцвярджаецца суверэнітэт.