Հայաստանում ՀԱՊԿ–ի դեմ պայքարը հիշեցնում է դոնքիշոտյան գրոհը հողմաղացների վրա

Քաղաքագետ Գարիկ Քեռյանը Sputnik Արմենիայի հետ զրույցում անդրադարձել է Հավաքական անվտանգության պայմանագրի կազմակերպության արդյունավետությանը որպես անվտանգային կառույց։ Քաղաքագետի խոսքով, այդ կառույցից դուրս գալը հայերին ոչինչ չի տա։ «Այո, ես դժվար եմ պատկերացնում, որ Բելառուսի, Ղազախստանի կամ Ղրղզստանի զորքերը կարող են գալ այստեղ, Հայաստանի համար կռվել, բայց մենք մոռանում ենք, որ ՀԱՊԿ–ը ռուսակենտրոն կառույց է։ Այս կառույցը ստեղծված է ՌԴ–ի կողմից, և մեզ համար կարևորագույնը հայ–ռուսական ռազմական համագործակցությունն է»,–նշեց Քեռյանը։