Әнфисә Мөлөкөва “Әсәйҙәр“

Әнфисә Мөлөкөва Әбйәлил ҡыҙы. “Мин Мөлөкова Әнфисә Фәнил ҡыҙы 2002 йылдың 28 июлендә Әбйәлил районы Хәмит ауылында тыуғанмын. Хәмит урта мәктәбенең 9 класында уҡыйым. Тик яҡшы билдәләр алырға тырышам. Буш ваҡытымда шиғырҙар ижад итәм, волейбол, футбол уйындары менән мауығам. Шулай уҡ бәйләргә, бешеренергә яратам. Уйлаған уйҙарымдың, маҡсатымдың тормошҡа ашыуын теләйем. Күп балалы ғаиләлә тәрбиә алам. Ата-әсәйемә балалары өсөн ваҡыттарын, көстәрен йәлләмәгәндәре, йоҡоһоҙ төндәре өсөн ҙур рәхмәтемде еткерәм. Мин бөтә кешелеккә бәхетлемен тип әйт ә алам!”, – тип яҙа беҙгә Әнфисә. Әсәйҙәр Әсәйҙәр донъяны йылыта, Тормошто улар йәмләй. Бәхетле булһын, тип балалар, Көстәрен һис йәлләмәй. Әсәйҙәрҙең матур теләге Күңелендә, телендә. Белһен ине һәр саҡ балалар Әсәйҙең ҡәҙерен дә. Изгелекле, ихлас әсәйҙәр Ҡәҙер-хөрмәт күрһендәр. Рәхмәтеңә рәхмәт инде, балам, Бәхетлемен тиһендәр!!!