Նախարարը վստահեցնում է՝ ԱԺ լիազորությունները չեն կրճատվի

Հայաստանի 2020 թվականի պետական բյուջեի մասին օրենքում փոփոխությունների քննարկումների ժամանակ թյուր տպավորություն է ստեղծվել, թե այս օրինագծով կառավարությունը փորձում է խորհրդարանին զրկել որոշակի լիազորություններից, թեև ոչ երկար ժամանակով։ Այս մասին այսօր՝ ապրիլի 29-ին, խորհրդարանում հայտարարել է ՀՀ ֆինանսների նախարար Ատոմ Ջանջուղազյանը։ Նա վստահեցրեց, որ 2020 թվականի պետական բյուջեի մասին օրենքում փոփոխություններ և լրացումներ կատարելու մասին օրենքի նախագծով կառավարությանը ծախսեր կատարելու առումով ճկունություն է տրվում միայն համավարակի հետ կապված միջոցառումների իրականացման համար: