კრიობა - აღდგენილი ტრადიცია / Krioba - Restored Tradition

MAMBER 1 - ფინალური ათვლა წელს კულა გლდანელის სახელობის ჭიდაობის დარბაზში, საქართველოს სპორტის ტრადიციული სახეობების და თამაშების ასოციაციის ორგანიზებით და ქალაქ თბილისის მერიის ხელშეწყობით გაიმართა ქართული საბრძოლო ხელოვნების ერთერთი სახეობის “კრიობა“-ს პირველი ტურნირი “მამბერ 1“, რომელიც ეძღვნებოდა ქართული საბრძოლო ხელოვნების მკვლევარის კახაბერ ზარნაძის ხსოვნას. “კრიობა“ ძველად თბილისსა და საქართველოს დიდ ქალაქებში ფართოდ გავრცელებული და მოსახლეობისთვის ერთ-ერთი საყვარელი თავშესაქცევი იყო. რომელშიც მონაწილეობას იღებდნენ, როგორც რიგითი მოქალაქეები ისე თავად-აზნაურები. განსაკუთრებით გამორჩეული მოკრივეები იყვნენ თბილისელი “ყარაჩოღელები“ მათგან არაერთის სახელმა დღემდე მოაღწია. ქართველებში საბრძოლო სულისკვეთების და ბრძოლისუნარიანობის შესამცირებლად რუსეთის იმპერიამ აკრძალა თბილისში კრიობის ბრძოლების გამართვა, მოტივი კი გახლდათ, ვითომ “მოსახლეობის ჯანმრთელობაზე ზრუნვა“. საქართველოს დამოუკიდებლობის მოპოვების შემდეგ მკვლევართა ჯგუფმა კახაბერ ზარნაძის თაოსნობით გამოიკვლია და აღადგინა ქართული საბრძოლო ხელოვნების სხვადასხვა მივიწყებული სახეობები. მათ შორის ერთ-ერთი გამორჩეულია “კრიობა“. კრიობის საშეჯიბრო წესების შემუშავება მოხდა 2020-2021 წლებში საქართველოს სპორტის ტრადიციული სახეობების და თამაშების ასოციაციის მიერ. წესებში დიდწილად გათვალისწინებულია ჩვენამდე მოღწეული ძველი წესები, მათგან გარკვეული ნაწილი ამოღებ