სერბ ძიუდოისტს, ნემანია მაიდოვი

❗სერბ ძიუდოისტს, ნემანია მაიდოვს, ოლიმპიადაზე პირჯვრის გადაწერის გამო 5-თვიანი დისკვალიფიკაცია მისცეს. ამის შესახებ ძიუდოისტი „ფეისბუქზე“ წერს: „15 დღის წინ გამომიცხადეს გადაწყვეტილება, რომ ძიუდოს მსოფლიო ფედერაციამ (IJF) 5-თვით შემიჩერა სპორტული მოღვაწეობა რელიგიური კოდექსის დარღვევის გამო - კერძოდ, ოლიმპიურ თამაშებზე გამოსვლისას პირჯვრის გადაწერის გამო. ამიკრძალეს ყველა ტურნირზე, შეჯიბრზე და სამზადისში მონაწილეობა. მართალია, დისციპლინური სამართალწარმოების შესახებ ჩემს თავდაცვით წერილში არ მინდოდა პირჯვრის გადაწერისთვის ბოდიშის მოხდა და, რა თქმა უნდა, ეს არც არასდროს მენდომება, თუმცა წარმოდგენაც არ მქონდა, რა სასჯელი შეიძლებოდა ყოფილიყო ამაზე. უფალმა ყველაფერი მომცა, როგორც პირადად, ასევე კარიერისთვის და ის არის ჩემთვის ნომერი 1 და ამით ვამაყობ! და ეს არავითარ შემთხვევაში არ შეიცვლება. დიდება მას და მადლობა ყველაფრისთვის. ვწუხვარ, რომ ისეთი ლამაზი და რთული სპორტი, როგორიც ძიუდოა, ასეთ დონემდე დაეცა“, - წერს სერბი ძიუდოისტი.