ԲԱՑԱՌԻԿ: Էրեբունի - Երևան երգի առաջին կատարումը (1968թ.)

Էրեբունի-Երևան Երևան դարձած իմ Էրեբունի, Դու մեր նոր Դվին, մեր նոր Անի: Մեր փոքրիկ հողի դու մեծ երազանք, Մեր դարե կարոտ, մեր քարե նազանք: Երևան դարձա՜ծ իմ Էրեբունի, Դարեր ես անցել, բայց մնացել ես պատանի: Քո Մասիս հորով, քո Արաքս մորով, Մեծանաս դարով, Երևա՜ն: Մենք արյան կանչեր ունենք մեր սրտում, Անկատար տենչեր ունենք դեռ շատ: Մեր կանչն առանց քեզ իզուր կկորչի, Առանց քեզ մեր տաք տենչն էլ կսառչի: Երևան դարձա՜ծ իմ Էրեբունի… Կյանքում ամեն սեր լինում է տարբեր, Իսկ մենք բոլորս էլ քեզնով արբել: Տաք է սերը մեր շեկ քարերիդ պես, Հին է սերը մեր ձիգ դարերիդ պես: Երևան դարձա՜ծ իմ Էրեբունի… Պարույր Սևակ Օրհներգի բառերի հեղինակ՝ Պարույր Սևակ Երաժշտությունը՝ Էդգար Հովհաննիսյան Տեսահոլովակի հեղինակ՝ Մհեր Հովհաննիսյան 1968թ. «Հաղթանակ» զբոսայգում տեղի ունեցած համաքաղաքային երգի տոնի ժամանակ «Էրեբունի-Երևան» երգի անդրանիկ կատարումն աննախադեպ էր և իր բացառիկությամբ, այն անմոռաց հետք թողեց մեր հինավուրց քաղաքի պատմության նորօրյա էջերում. երգը կատարում էր 2750-հոգանոց երգչախումբը` խորհրդանշելով մեր մայրաքաղաքի հիմնադրման 2750-ամյակը: