Հայաստանում ուժեղանում է դիմադրությունը Արցախի հարցով. Մանվելյան

Արցախում իրավիճակը սրվում է, խանութներում չկա մթերք և անհրաժեշտ պարագաներ, վերջացել է նաև դեղորայքը։ Հայաստանի իշխանությունները շարունակում են վարել Արցախի համար ոչ բարենպաստ քաղաքականություն` հայտարարելով, որ իրենք դիտարկում են Արցախը Ադրբեջանի կազմում։ Միևնույն ժամանակ խորանում է Ռուսաստան-Արևմուտք բախումը, որը արտացոլվում է նաև Հարավային Կովկասում։ Արևմտյան բարձրաստիճան պաշտոնյաներն այլևս չեն թաքցնում, որ ճանաչում են Արցախը որպես Ադրբեջանի մաս և նախատեսում են, որ ՀՀ իշխանությունները կհրաժարվեն Արցախից և կզիջեն այն։ Ինչպե՞ս կզարգանան իրադարձությունները մոտ ժամանակներս։ Արդյո՞ք դուրս կգան ռուսները տարածաշրջանից։ Ինչպե՞ս ապահովել Հայաստանում ներքին դիմադրություն՝ ընդդեմ իշխանությունների վարած քաղաքականության։ Այս և այլ հարցերի շուրջ զրուցել ենք «ՀայաՔվե» նախաձեռնության անդամ, միջազգայնագետ Արմեն Մանվելյանի հետ։