სოხუმში, ბაბუშერას აეროპორტში დატრიალებული ტრაგედიიდან 24 წელი გავიდა

სოხუმში, ბაბუშერას აეროპორტში დატრიალებული ტრაგედიიდან 24 წელი გავიდა. 1993 წლის 22 სექტემბერს, საღამოს 6-ის ნახევარზე, თბილისიდან ალყაში მოქცეულ სოხუმში დაშვების უფლების გარეშე გაფრენილი ტუ 154, რომლის ბორტზეც სამხედრო პოლიციის თანამშრომლები, სპეცდანიშნულების რაზმის წევრები, გვარდიის მებრძოლები, მოხალისეები, ექთნები და სამოქალაქო პირები იყვნენ, ზღვიდან ნასროლი სითბური რაკეტით ჩამოაგდეს. საჰაერო ხომალდი ასაფრენ ბილიკზე ნაწილებად დაიშალა და მთლიანად დაიწვა. თვითმფრინავში 132 ადამიანი იყო, 108 დაიღუპა. ცხედრები აეროპორტთან ახლოს დაკრძალეს. სამარხი წლების შემდეგ გაიხსნა და დაღუპულების გადმოსვენება ეტაპობრივად განხორციელდა. განწირული რეისის გადარჩენილ მგზავრებსა და ტრაგედიის თვითმხილველებს ქეთევან ბერაია შეხვდა.