Усулуобуйа тосту уларыйда, баҕа санаа туолла

Нам улууһугар 2022 сыллаахха государственнай уонна политическай деятель Максим Аммосов үбүлүөйдээх 125 сылыгар баараҕай тутуу олоххо киирбитэ – М.К. Аммосов аатынан култуура дыбарыаһа. Бүгүҥҥү күҥҥэ Нам улууһа киэн туттар дьиэтигэр алта тэрилтэ үлэлиир – А.Ф. Шестаков аат. улуустааҕы норуот айымньытын дьиэтэ; Намнааҕы библиотека, история уонна этнография музейа; улуустааҕы ЗАГС, Намнааҕы художественнай музей, култуура управлениетын салалтата.